L adunanza de l Union Ladina se tegnarà
al 29 de marzo a le 17 n seconda convocazion
nte la Sala de La Magnifica Comunità de
Piee!
Vien apede!
Publicou al libro de Giannantonio De Donà su par i fior de Lajo.
Foto che é na beleza e che ne fa conosce come che se ciama tante fior!
Granmarze’ a Giannantonio par l laoro fato!
Francesca Larese
A Loze verde l Sportel Ladin al vendre da le zinche a le sete dadasiera.
Se volé nformazion, vede i libre de l Union Ladina, nparà a scrive par ladin, lasane scrite par talian da traduse par ladin
Vegnì a vede.
Par nformazion cadoredemedo@gmail.com
 Libro di Mara Zampol su Mesurina
 libro de la mostra de Pozale 
Por le scole:
1. avon chela de dà na man a la scola elementare de Auronzo che vó fei n teatro.
Por dute:
2. tignon verto l sportel ladin a Auronzo, Loze e Vigo. Chesto progeto 2022 é partiu de otobre
e digarà ndavante fin a la fin de setenbre;
3. son davoi a stanpà n libro coi disegne de Mara Zampol e na poesia su la legenda de
“Mesorina e l Strion de la Croda dei Tone” de Luigina Battistutta;
4 avon tacou a laurà davoi del progeto “Filò Ladin” de Museo Dolom.it, pagou coi schei de la
482, che sarà presentou n Provincia gnante de l istiade;
son davoi a fenì l laoro de revision por la publicazion de n libro co le fotografie de le piante
del Cadore, fate da Giannantonio De Donà Vicare da Laio;
sarae bel publicà le comedie scrite da Enrica Tabacchi;
son pronte a dà na man a la prossima edizion de “Sani Folk Festival”;
penseone de propone a calche botega granda de bete fora i cartiei de le corsie de la
mercanzia scrite por ladin;
se volarae fei produse dei lapis col logo de l Union Ladina del Cadore de Medo, da dà fora a
chi tosate de le scole e ai soce de l associazion;
apede Itesbrite don ndavante con MATEON;
avon chela de dà na man a la Desmonteada de Auronzo e zercaron de portà ndavante n
laoro sul recupero e confezion dei vestite ne n ota;
và ndavante la colaborazion col Museo de la Lateria de Loze;
sarae bel de tornà a tacà l laoro del Vocabolario de Auronzo col grupo “L nos patuà”;
se volarae fei n concorso por chi tosate de scola por la produzion de n video por ladin;
dute chi che vó scrive algo e vedelo publicou su la pagina del Cadore scrita por ladin, pó
mandà a l’Union Ladina.
Se sono ciatade al 6 de Aurì nte la sala de la Magnifica Comunità
SEDUTA DE L ADUNANZA
DE L UNION LADINA DEL CADORE DE MEDO
Sabo ai 6 de aurì del 2024
da le 15.30 n prima ciamada
DA LE 16.00 N SECONDA CIAMADA
de la Sala de la Magnifica Comunità de Pieve de Cadore
Se discutarà de:
1. Relazion de ce che é stou fato del 2023;
2. Vardà davoi e votà i conte del 2023;
3. Parlà de che se podarae fei de gnoo pol 2024;
4. Vardà davoi e votà i conte pol 2024;
5. Votà i consiliere poi ane dal 2024 al 2028;
6. Autro che podarae esse.
Relazion atività 2023
Por le scole:
é vignù fora “Sote le Tre Zime”, na ciaveta co le canzon e le parole de le canzon de chi tostate
de la scola media de Auronzo e co le musiche de Cosimo Mascolo.
Por dute:
avon tignù verto l sportel ladin n Biblioteca a Vigo e Auronzo e al Museo de la Lataria de
Loze;
é duda ndavante la colaborazion col Museo de la Lateria de Loze che d istiade é stou verto
anche n grazia del contributo de la 482 apede l sportel ladin;
avon dou na man a publicà “Inte loda”, ultemo CD de Al Tei;
é vignù fora l libro “Pera, Rasa, Ega”catalogo de la mostra de Pozale;
son stade presente a “Boschi di Carta” coi libre de l associazion;
é stou dou n contributo a la manifestazion “SANI Folk Festival” – Festival di Musica
Tradizionale delle genti di montagna, che é stou fato a Pieve l 15, 16 e 17 de settenbre 2023;
n ocasion de la festa del patrono de Auronzo, avon dou na man a MATEON e a la
Desmonteada co la stanpa de la publicità e co la partecipazion del Grop da Bal Fodom e é
stada fata la prima edizion del Concorso pol vestito tradizional, agnó che é stade premiade
na tosata e n tosato, na femena e n on con libre e robe da magnà;
avon fato stanpà nos-cè adesive col stema de l associazion;
é duda ndavante la pagina del Cadore scrita por ladin
Por le scole:
- à da fei vignì fora “Sote le Tre Zime”, na ciaveta co le canzon e n libruto con inze le canzon de chi tostate de la scola media de Auronzo e co le musiche de Cosimo Mascolo.
Por dute:
- tignon verto l sportel ladin a Auronzo, Loze e Vigo. Chesto progeto 2021 é partiu de otobre e digarà ndavante fin a la fin de setenbre;
- ne piasarae stanpà n libro coi disegne de Mara Zampol su la legenda de “Mesorina e l Strion de la Croda dei Tone” de Luigina Battistutta;
- sarae da produse algo poi maestre de scola porcé che i nsegne l ladin a chi tosate;
- son davoi a laurà por publicà n libro co le fotografie de le piante del Cadore, fate da Giannantonio De Donà Vicare da Laio;
- ne piasarae stanpà la tesi de laurea de Giada Da Pra su Giovanna Zangrandi;
- avessione chela de stanpà n libro coi ritrate dei tabias fate n pizol da Giuseppe Toscani da Venas;
- son pronte a dà na man a la prossima edizion de “Sani Folk Festival”;
- penseone de propone a calche botega granda de bete fora i cartiei de le corsie de la mercanzia scrite por ladin;
- se volarae fei produse dei lapis col logo de l Union Ladina del Cadore de Medo, da dà fora a chi tosate de le scole e ai soce de l associazion;
- apede Itesbrite don ndavante con MATEON;
- avon chela de dà na man a la Desmonteada de Auronzo e a la Transumanza de Vallesina.
- và ndavante la colaborazion col Museo de la Lateria de Loze;
- dute chi che vó scrive algo e vedelo publicou su la pagina del Cadore scrita por ladin, pó mandà a l’Union Ladina.
Por le scole:
- apede l Marigo de la Regola de Vilagranda é stade portade de le scole de Auronzo i libre de Ida che avon tornou a stanpà por i suoi 100 ane. “Storie intorno al larin” é stou dou fora a chi tosate de le elementari e de le medie e i é stou contou nos-cè storie e spiegou ce che fei l Union Ladina e le Regole
Por dute:
- avon tignù verto l sportel ladin a Loze a Palazo Pellegrini e al Museo de la Lataria e a Vigo n Biblioteca da denei a setenbre col Progeto 2020 e da otobre a dezenbre n Biblioteca a Vigo e Auronzo col Progeto 2021;
- é duda ndavante la colaborazion col Museo de la Lateria de Loze che d istiade é stou verto n grazia del contributo de la 482 apede l sportel ladin;
- apede la Regola de Vilagranda avon tornou a stanpà “Storie intorno al larin” de Ida De Luganuto;
- é vignù fora l libro “Gente di Pozzale – Donne di montagna” por la mostra a Pozale;
- é stou dou n contributo a la manifestazion “SANI Folk Festival” – Festival di Musica Tradizionale delle genti di montagna, che é stou fato a Pieve l 16, 17 e 18 de settenbre 2022;
- n ocasion de la festa del patrono de Auronzo, avon dou na man a MATEON e a la Desmonteada co la stanpa de la publicità e co la partecipazion del Grupo Folk de Cesiomaggiore;
- é duda ndavante la pagina del Cadore scrita por ladin.
Sabo 4 de marzo se son ciadate nte la sala de la Magnifica Comunità de Pieve di Cadore par l adunanza de l Union Ladina.
Se à parlou de chel che é stou fato nte l 2022 e de chel che se volarae fei par l 2023. E’ stou aprovou a l unanimità al bilancio par l an apena pasou e par l an nuou.
E’ vegneste fora tante idee par l an nuou, par fei vive e difonde ai dovin la nostra mare lenga. Atività per le scole, le maestre e profesorese/profesor, libre par ladin da stanpà, musiche fate da i tosate e da Andrea Da Cortà, feste come Mateon a Auronzo o la Desmonteada, colaborazion co l Museo de la Lataria de Loze.
L’Union Ladina à fato lo sportel ladin nte l 2022 a la biblioteca de Auronzo, nte la Biblioteca Storica Cadorina de Vigo e nte l Museo de la Lateria. Na atività che permete a chi che vo de domandà nformazion su come scrive par ladin, se può ese idade par le traduzion e par informazion su par la storia e le tradizion de la nostra mare lenga. E nte l 2023 se continuarà ancora.
E ancora l’Union Ladina colabora co la pagina ladina de l giornal Il Cadore. Dute chi che vo scrive par ladin puo’ mandà i toche da publicà a francesca.laresefilon@gmail.com
Francesca Larese Filon
Avon stampou da nuou a l libro de Ida Zandegiacomo De Lugan “Storie ntorno al ladin” e con chesto libro volon pensase de ela. Nte l 2022 a zento ane, la ne à lasou. Ma resta apede de noi i libre e la so pasion de socia che à fato tanto par fei cognose la nostra lenga e le nostre tradizion. Grazie Ida par duto chel che te à fato par la nostra dente!
 Ida Zandegiacomo De Lugan 
|
|
